اللعنة ... كلهم يهتمون بالموضة

اليوم و قبل صلاة الضهر بدأت أتجهز للذهاب للمسجد ( بالطبع تسبحت و تلبست ....) و لازم أتكشخ .... صح والا لا ؟؟؟ المهم لبست دشداشتي التي كانت باللون البرتقالي او الاحمر او الوردي !!!  لا أذكر ( بس لا يروح بالكم بعيد ... أنا ما أعرف عبدالله بالخير ) ... المهم و الاهم ما مهم اللون و لا مهم عبدالله بالخير ... لبست الدشداشة و جلست ادور الكمة اللى تناسبها ... صحيح إني أخر الايام بادي اتعلم الموضة  ( الدشداشة و الكمة على نفس اللون ) بعد ما قلبت كل الدواشق و كل الوسايد و الله يصرفها صرفة تعبتني الكمة الى ما حصلتها !!! المهم حصلتها و لبست الوطية السوداء الحصة و رحت ( على فكرة الوطية ما جزء من اهتماماتي الداخلية في الموضة الا في ما ندر !!!! ) المهم توجهنا الى المسجد و بشعور مملؤء بالروحانية في هذا النهار القائظ من رمضان !!!! ذهبت و جلست في السطر الثالث إلا و أشوف كل الشياب مناسقين كميمهم على دشاديشهم .... واو !!!! الظاهر كل الشعب ماشي على الموضة ما بس أنا
الا لعنة الله على الموضة !!!!
أيام زمان كانت كمة وحده تكفينا ... اليوم عندنا خمس كميم و ما مكفيات !!!! الله يصرفها من حالة !!!!!
و الوطايا سكت بس .... وطية سودا و وطية حمرا و غيرها بيضا !!!!!

حتى الرجال ما سلموا من الموضة ؟؟؟ كل يوم نحصل طالعتلنا صيحة من صيحاتهم ... و قالولنا متخلفين و شاويين و بدو وما نعرف الذوق و لا نماشي البوش ( أقصد الركب )  اذا ما قلدناهم ... تعبنا ويش يريدوا من النهاية !!! ما شي موضة وما سويناها !!!!! و ماشي ما لبسناه ... إلا الايطالي بصراحة ما أرضى
عاد ما ذوق ... هذي ما موضة ... نص البنطلون طايح و نص الوادي ما بين الجبلين طالع ... وافهم المقصود !!!!1 أنا ما قصدت شي و لا يروح بالكم بعيد


ما أعرف من جاب هذي الموضة ... كنت رحت قتلته و وفرت على الناس الاف الريالات !!! و ارتاحوا ؟؟؟

حكمة اليوم ( خير لك من أن تلعن الظلام ... ان تنير شمعة !!! ) او كما قالوا


دام مسعاكم للخير


شخابيط